UKURASA WA 158; Kabla Ya Kufanya Jambo Lolote Jua Kitu Hiki Muhimu. ~ Makirita Amani

Sunday, June 7, 2015

UKURASA WA 158; Kabla Ya Kufanya Jambo Lolote Jua Kitu Hiki Muhimu.

Unknown KURASA 365 ZA MWAKA 2015 No comments

Kuna mambo mengi sana unayohitaji kufanya na unayoweza kufanya kwenye maisha yako. Lakini sio mambo yote unayotaka kufanya ni muhimu kwako au yatakufikisha kwenye malengo uliyojiwekea. Hivyo ni muhimu sana kujua ni kitu gani unafanya na kina umuhimu gani.

Hakuna kitu kinauma kama kufanya vizuri sana kitu ambacho hakikutakiwa kufanywa kabisa. Au kufanya vizuri kitu ambacho sio muhimu huku kuna vitu muhimu ambavyo hujavifanya.

Kwa mfano unakwenda kwenye kazi yako asubuhi, kabla hujatimiza majukumu yako ya kikazi unahakikisha unajibu meseji zote ambazo watu wamekutumia, unajibu email zako zote na kuangalia facebook kama kuna mtu kakutaja au kuchangia kwenye kitu ulichoandika. Utakamilisha vizuri mambo haya lakini yanachangia kiasi gani kwenye mafanikio yako. SIFURI!!

Kabla hujaanza kufanya jambo lolote, jiulize je hili ni jambo muhimu sana kwako kuweza kufikia mafanikio unayotarajia? Kama jibu ni hapana, jiulize tena; je mambo yote muhimu niliyopanga kufanya leo nimeshayakamilisha? Kama jibu ni ndio endelea na hiko unataka kufanya. Kama jibu ni hapana, acha mara moja na nenda ukatekeleze kile ambacho ni muhimu kwanza.

Usifanye kitu ambacho sio muhimu kama una kitu muhimu bado hakijafanyika. Unahitaji nidhamu binafsi ili kuweza kusimamia hili vizuri. Na hiki ndio kitakuwezesha kufikia mafanikio.

TAMKO LA LEO;

Najua kufanya vizuri kitu ambacho hakikutakiwa kufanyika kabisa ni upotevu mkubwa wa muda na kujidhulumu mafanikio. Kuanzia sasa sitafanya kitu ambacho hakina umuhimu kama kuna kitu muhimu sijakifanya bado. Hii ndio siri ya mafanikio na nitaifanyia kazi kila siku.

Tukutane kwenye ukurasa wa 159 kesho, Like page yangu ya Coach Makirita Amani uendelee kupata mambo mazuri ya kuboresha kazi yako, biashara yako na maisha yako kwa ujumla.

Kuhakikisha hukosi mfululizo huu wa makala za KURASA 365 bonyeza hapa na uweke email.

Kusoma makala zilizopita za KURASA 365 ZA MWAKA 2015 bonyeza hayo maandishi.

Pia washirikishe wengine makala hii kwa kubonyeza vitufe vya facebook au twitter hapo chini. Pia watumie makala hii nzuri kwa njia ya email.

Kwa lolote andika email kwenda makirita@kisimachamaarifa.co.tz

Kujifunza zaidi ili kuweza kufikia mafanikio makubwa jiunge na KISIMA CHA MAARIFA bonyeza hayo maandishi kupata utaratibu.

TUPO PAMOJA.

Tafadhali Washirikishe Wengine Makala Hii Nzuri!

SOCIALIZE IT →

Makirita Amani

Sunday, June 7, 2015